Phn: +977 9857053471

Email :Manakamanagurukulam@gmail.com

श्री मनकामना संस्कृत गुरुकुलको सहयोगार्थ नन्दनगरमा ३२औँ ज्ञान महायज्ञ आयोजना हुँदै

कपिलवस्तु — श्री मनकामना संस्कृत गुरुकुलको सञ्चालन तथा शैक्षिक विकासमा सहयोग जुटाउने उद्देश्यले कपिलवस्तुको बाणगङ्गा नगरपालिका–२, नन्दनगरस्थित कैलाश आश्रम तथा मनकामना दुर्गा मन्दिरमा ३२औँ ज्ञान महायज्ञ आयोजना हुने भएको छ।

आयोजकका अनुसार महायज्ञ २०८३ साल मङ्सिर १० गतेदेखि १६ गतेसम्म सञ्चालन हुनेछ। महायज्ञअन्तर्गत श्रीमद्भागवत धनधान्याचल, श्री कूर्मपुराण पाठपारायण, वैदिक अनुष्ठान, हवन, दीप प्रज्वलन तथा विविध धार्मिक कार्यक्रमहरू सञ्चालन गरिनेछन्।

महायज्ञमा श्रीधाम वृन्दावनबाट आउनुहुने कथावाचिका सुश्री आरती कृष्णप्रियाजीको मुखारविन्दबाट संगीतमय श्रीमद्भागवत कथा तथा प्रवचन हुने कार्यक्रम रहेको आयोजकले जनाएको छ। साथै परमपूज्य श्रद्धेय श्री लोकानन्द स्वामीज्यूको प्रमुख संरक्षकत्वमा धार्मिक प्रवचन तथा आध्यात्मिक कार्यक्रमहरू सञ्चालन हुनेछन्।

महायज्ञको अवधिभर दैनिक पूजापाठ, हवन, श्रीमद्भागवत कथा श्रवण, भजन–कीर्तन, प्रसाद वितरण तथा सन्ध्याकालीन धार्मिक कार्यक्रमहरू सञ्चालन गरिनेछन्। आयोजकले सम्पूर्ण धर्मानुरागी, दानदाता, शिक्षाप्रेमी, अभिभावक, समाजसेवी तथा श्रद्धालु भक्तजनलाई महायज्ञमा सहभागी भई तन, मन र धनले सहयोग गर्न आग्रह गरेको छ।

गुरुकुलको शैक्षिक गतिविधिलाई निरन्तरता दिँदै संस्कृत शिक्षा, वैदिक ज्ञान, संस्कार र सनातन धर्मको संरक्षण तथा प्रवर्द्धन गर्नु महायज्ञको मुख्य उद्देश्य रहेको छ। महायज्ञबाट सङ्कलित सहयोग गुरुकुलको सञ्चालन, बटुकहरूको शिक्षा तथा आवासीय व्यवस्थापन र आवश्यक भौतिक संरचनाको विकासमा उपयोग गरिने आयोजकले जनाएको छ।

धार्मिक आस्था र सांस्कृतिक परम्पराको संरक्षणसँगै नयाँ पुस्तामा नैतिक शिक्षा, अनुशासन र आध्यात्मिक चेतना अभिवृद्धि गर्ने अपेक्षा गरिएको यस महायज्ञलाई सफल बनाउन आयोजकले सबै पक्षसँग सहयोग र सहभागिताका लागि अपिल गरेको छ।

आयोजक: श्री कैलाश आश्रम तथा मनकामना दुर्गा मन्दिर, श्री मनकामना संस्कृत गुरुकुल, बाणगङ्गा नगरपालिका–२, नन्दनगर, कपिलवस्तु।

About the Author

Leave a Reply

Your email address will not be published. Required fields are marked *

You may also like these